Mashy.com Blog Beta

 كل سنة وانتم جميعا بخير بمناسبة ذكرى مولد خير الأنام وسيد الخلق محمد ابن عبدالله صلى الله عليه وسلم كنت أتمني أن أكتب في هذا الموضوع  في  ظروف أفضل مما نحو فيه الأن لكن  ......

ما أرجوه منكم هو أن تكثروا من الدعاء الدعاء لنصرة الاسلام والمسلمين وأن تكثروا من الصلاة على النبى صلى الله عليه وسلم

ساندي 1010

 أصدقائي المدونين

ازيكووووو جميعا واتمني أنكووووو تكونوا بخيرأوعوا تكونوا نسيتوني  انا فعلا من فترة طويلة ما كتبت أي موضوع لظروف كده بس آحيانا بدخل واعلق على بعض المدونات

المهم حاسة ان في عملية احلال وتجديد حصلت في المدونة وحاسة اني بدخلها لأول مرة

معظم الناس اللي أعرفهم مش موجودين وفي ناس جديدة انضمت للمدونة وده شئ كويس لكن اللي مش كويس الناس القديمة راحوووووو فين

عموما بتمني للجميع اجازة سعيدة أصدي الطلبة يعني/  لكن بالنسبة للأيدي العاملة اللي محرومين من الأجازة مثلي الله يعينهم

ساندي 1010

ولو انها متاخرة شوية لكن بردو كل سنة واحنا طيبين انتهيت 2007 بحلوها ومرها والحمد لله على كل حال، يارب تكون 2008 أفضل بالنسبة لحياتنا العامة والخاصة كمان، ويكون فيها تغيير حقيقي ومعالجة بجد لكل الحاجات السيئة اللي حصلت في 2007 

بتمنى في 2008 على المستوى العام اننا نكون رحماء ببعضنا البعض، بجد كفاية معاناتنا من الظروف اللي مش قادرين نغيرها ومشاكلنا اللي بتواجهنا ومش قادرين نحلها ، فالأحرى بنا إننا نحس بعض شوية ونرحم بعضنا. 

وبتمنى على المستوى الشخصي أن ربنا يدوم عليا النعم الكثيرة اللي أنعم بها عليا ويقدرني على شكره وحمده وطاعته.  

وكل سنة وانتو جميعا بألف خير وسلام

ساندي

 أصدقائي المدونين

           أخباركم أية، اتمني أنكو تكونوا جميعا بخير، معلش أنا بقالي كتيرررررررر خالص مش بيدخل المنتدى، ومش متابعة كويس الموضوعات، لكن بجد إنتو دايما على بالي، ومآثرين فيا بالرغم من مشاركاتي النادرة، بس أنا محتاجة دعاءكم لي لأني في محنة أصدي منحة من الله

أترككم في رعاية الله لحين لقاء لا أظنه بعيد

ساندي 1010

أصدقائي المدونين

كل سنة وأنتو جميعاً بخير وصحة وسلام وأمان بمناسبة عيد الفطر المبارك وتقبل الله صيامنا وسائر أعمالنا اللهم آمين

ساندي1010

أصدقائي المدونين

كل رمضان وأنتو طيبين، كل رمضان وأنتم إلى الله أقرب، ودايما يارب بألف خير وسلامة وصحة وسعادة وراحة بال وأمن وأمان وكل حاجة حلوة......

    ساندي1010

ممكن كل واحد يقدم نفسه من خلال بعض البيانات البسيطة مثل السن الوظيفة الاهتمامات الخبرات ...وأي حاجة تانية يحب يضيفها عشان الناس الجديدة تتعرف على الناس القديمةوالعكس

وشكرا ساندي

 الزملاء الأعزاء

        كنت بتفرج على برنامج في التليفزيون من يومين، واتصل شاب يحكي عن موقف اتعرض له من حوالي أسبوع والموقف كما حكى:

كان الشاب ده راجع من زيارة أخته بالمستشفى هو وخطيبته وكان معهم طفل صغير الساعة الخامسة والنصف عصراً في حي شبرا الخيمة وفي شارع مزدحم، طلع عليهم حوالي أربع شباب لا يعرفهم، شدوا خطيبته منه وضربوا أمام الناس وشتموه بأفظع الشتائم، وطبعاً هو مقدرش عليهم لوحده خاصة وأن محدش ادخل من الناس.

بعد كده روح خطيبته لبيت أهلها وراح لقسم البوليس عشان يحرر محضر للشباب اللي اعتدوا عليه، لكن في القسم رفضوا يحررالمحضر وقولوا له روح المكان اللي فيه الشباب دولا وهات أسماءهم وإحنا نفتح لك محضر، حاول الشاب يقنعهم إنه لو راح هناك تاني مش هيسبوه ويمكن مش يلاقيهم لكنه فشل أمام رفضهم!!!!

راح نقطة شرطة تانية قولوا هات اسمائهم وإذا تبين أنك بتكدب هنحطك في الحجز وهتكون انت المذنب

خرج الشاب وهو مدمرنفسياً لفشله في الدفاع عن خطيبته وفشله في اثبات الاعتدء عليه، وأنه هو المجني عليه من شباب لا علاقة له بيهم 

وطبعا سأءت العلاقة بينه وبين خطيبته ومنعهما أهلها من الخروج ويضيف الشاب أنه منذ الحادثة وهو مش عارف يشتغل ونفسيته تعبانه جدا.................. 

انتهي كلام الشاب عند هذة النقطة

بس في تساؤلات بتفرض نفسها

بما إن دلوقتي الناس بتشوف المشاكل أمامها ولا تتدخل، فإن اللجوء للشرطة أمر طبيعي عشان تجيب حقنا، لكن لما المجني عليه يطالب بأنه يكون مخبر يتحرى عن الجناة والا يحبس ده اللي مش طبيعي

بجد الله يكون في عون الشاب ده وفي عون المترددين على أقسام الشرطة اللي المفروض إنها في خدمة الشعب

        مع تحياتي ساندي

 أصدقائي المدونين

السلام عليكم ورحمته الله وبركاته

      عندي اقتراح سبق وطلبه زميل لينا قبل كده، ومحدش رد عليه؟؟؟؟؟

      وهو إني كل واحد مننا يكتب ولو سي في صغير عن نفسه، يعني سنه/ دراسته / وظيفته لو شاغل/ الحاجات اللي شاطر فيها أو اللي بيحبها..................

عشان يا جماعة في أعضاء جدد معانا وأنا واحدة منهم.  

وتبقى فرصة الناس الجديدة والقديمة يتعرفوا على بعض؟؟؟؟؟؟؟؟؟

أنا مستنية آرائكم واعتبروه استطلاع رأي من أختكم  ساندي

على فكرة صوتك أمانة